په بامیان کې څه باندې ۲۲۰ زره جریبه دولتي ځمکه سروې او ثبت شوه
د ښار جوړولو او ځمکو وزارت په هېواد کې دولتي ځمکو بانک برنامې د پلي کېدو پر مهال د دې ولایت اړوندو سېمو په ۲۰۹ قطعو کې ۲۲۰۳۱۳ جریبه دولتي ځمکه او ملکیتونه سروې او ثبت کړي دي.
له دې شمېر څخه ۱۴۱۶۶۴ جریبه سپینه دولتي ځمکه او ۷۸۶۴۹ جریبه د دولتي ادارو تر استفادې لاندې عامه ملکیتونه دي چې د دې ولایت په مرکز او مختلفو ولسوالیو کې سروې او ثبت شوي دي.
ښار جوړولو او ځمکو وزارت تر دې دمه، په هېواد کې ۶ مېلیونه ۶۲۸ زره او ۱۶۴ جریبه ځمکه او دولتي ملکیتونه چې په ۶۸۰۲ قطعي کېږي، سروې او ثبت کړی او دا وزارت ژمن دی چې د دې پروسې له لارې په هېواد کې د حکومت سترو پرمختیایي او اقتصادي پلانونو پلي کېدو ته زمینه برابره کړي.
