هرات کې دوه تعلیمي پروژې ګټې اخیستنې ته وسپارل شوې
ښارجوړولو او ځمکو وزارت د هرات په اوبه ولسوالۍ کې یو اته صنفي ښوونځی او د دې ولایت په انجیل ولسوالۍ کې د سروستان ۱۲ صنفي ښوونځی ګټې اخیستنې ته وسپارل.
اته صنفي ښوونځی په ۶۷۲ متر مربع ځمکه کې په دوه پوړونو د ۲۰ میلیونه افغانیو او همداراز د سروستان ۱۲ صنفي ښوونځی په ۴۷۶ متر مربع ځمکه کې په دوه پوړونو د ۱۹ میلیونه او ۴۰۰ زره افغانیو په ارزښت د پوهنې وزارت له پراختیايي بودیجې جوړ شوي دي.
د ویلو ده چې د هېواد په کچه د ښوونځیو جوړول د ښارجوړولو او ځمکو وزارت کاري لومړیتوب دی او ټاکل شوې دا وزارت د خصوصي سکټور په همکارۍ په ولایاتو کې د ښوونځیو جوړولو چارې چټکې کړي.
