هرات ولايت کې له ۲۱۷ زره جريبو څخه زياته دولتی ځمکه سروې او ثبت شوه
ښار جوړولو او ځمکو وزارت د دولتي ځمکو د بانک برنامې له لارې په هرات ولايت کې ۲۱۷ زره ۵۵۷ جريبه دولتی ځمکه او د دولت تر استفادې لاندې عامه ملکيتونه سروې او ثبت کړي دي.
له دې ډلې څخه په ۸۳ قطعو کې ۲۰۵۴۰۱ جريبه سپینه دولتي ځمکه ده او په ۲۵ قطعو کې ۱۲۱۵۶ جريبه دولتي املاک دي چې د ياد ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د ټول هېواد په کچه په ۵۸۷۸ قطعو کې ۵ ميليونه ۲۳۷ زره او ۹۴۶ جريبه ځمکه او دولتي املاک سروې، نقشه او ثبت کړي دي.
