د ګردان دېوال – چغچران د دویم فاز د مالکیت حق تثبیت او بیې ایښودنې چارې بشپړې شوې
د ښار جوړولو او ځمکو وزارت د جمهوري ریاست عالي مقام حکم سره سم د ګردن دېوال – چغچران لومړي فاز د مالکیت حق تثبیت او ارزښت موندنې چارې تر بشپړولو وروسته، د دویم فاز ورته چارې یې هم پای ته رسولي دي.
د دغې سترې او بنسټیزې پروژې دویم فاز په ټوله کې ۶۰ کیلومټره اوږدوالی لري چې ۵۲ کیلومټره د میدان وردګو ولایت د مرکزي بهسودو ولسوالۍ څخه او پاتې ۸ کیلومټره له بامیان ولایت څخه تېریږي.
د ویلو دی چې په میدان وردګو ولایت کې پر ۵۲ کیلومټره ځمکه باندې څه باندې ۱۴۷ جریبه د خلکو شخصي او کرنیزې ځمکې دي او پاتې دولتي تثبیت شوي دي. د ښار جوړولو او ځمکو وزارت په ورته وخت کې د یادې اندازې ځمکې ارزښت یې څه باندې ۷۰ مېلیونه افغانۍ تثبیت کړې ده چې د جمهوري ریاست عالي مقام تر منظوري وروسته د خسارې جبران په توګه خلکو ته ورکول کیږي.
د یادونې ده چې د ښار جوړولو او ځمکو وزارت تر دې مخکې د ګردن دېوال – چغچران سرک لومړي فاز په اوږدو کې هم د ۴۰ کیلومټرو د مالکیت حق تثبیت او ارزښت موندنې چارې ترسره کړي دي.
