د لوګر ولایت په کډوالو ښارګوټي کې د پاکو اوبو د درېیو څاهګانو د کېندنې له چارو څارنه وشوه
۱۴۴۸/۱/۲۸
د لوګر ولایت د کور او ښار جوړولو ریاست تخنیکي ټیم له لوري، کډوالو او بېرته راستنېدونکو ته په وېشل شوي ښارګوټي کې د پاکو اوبو د درېیو څاهګانو د کېندنې له روانو چارو تخنیکي څارنه ترسره شوه.
د یادې پروژې له مخې، درې واړه څاهګانې به د لمریزې برېښنا (سولر) سیستم سره سمبالېږي او د اوبو اخیستونکو د اسانتیا او خونديتوب لپاره به د سیوري کوونکو جوړښتونه هم ولري.
د پروژې د قرارداد له مخې، د دغو درېیو څاهګانو د کېندنې او تجهیز ټولیز لګښت یو میلیون افغانۍ دی، چې د لوګر ولایت د کلیو د بیارغونې او پراختیا ریاست له لوري تمویلېږي.
د کور او ښار جوړولو ریاست تخنیکي ټیم د څارنې پر مهال د چارو د کیفیت او تخنیکي معیارونو پر رعایت ټینګار وکړ.
د یادې پروژې په بشپړېدو سره به د ښارګوټي اوسېدونکو ته د پاکو اوبو د لاسرسي زمینه برابره او د څښاک اوبو اړوند ستونزې به تر ډېره هوارې شي.
