د طرحې د تطبیق په موخه د الشیخ ښارګوټي ساحوي څېړنه ترسره شوه
۱۴۴۷/۱۱/۰۶
د کور او ښار جوړولو وزارت، د ښاري چارو محترم معین شیخ مدار علي کریمي بامیاني په مشرۍ، ټاکل شوې تخنیکي کمېټې د (الشیخ استوګنیز ښارګوټي) له ساحې څخه لیدنه وکړه.
د دغې لیدنې اساسي موخه دا وه، څو طرحه له عملي ساحې سره تطبیق او د سیمې تخنیکي وضعیت په دقیق ډول و ارزول شي.
په همدې موخه، محترم معین شیخ مدارعلي کریمي بامیاني له ټاکلې کمېټې سره یو ځای د ساحې بېلابېلې برخې له نږدې وکتلې او د طرحې د عملي کېدو پر مهمو اړخونو یې خبرې وکړې.
همداراز، د بېلابېلو اړوندو ریاستونو انجنیرانو ته دنده وسپارل شوه، تر څو سیمه په هر اړخیز او دقیق ډول وڅېړي، د طرحې سره یې د مطابقت کچه وارزوي او خپلې تخنیکي موندنې ترتیب او له کمېټې سره یې شریکې کړي.
ټاکل شوې ده، چې د یادو موندنو پر بنسټ به لازم تصمیمونه ونیول شي، څو طرحه په معیاري او عملي ډول تطبیق او د ښارګوټي د منظمې پراختیا لپاره لازم ګامونه پورته شي.
د کور او ښار جوړولو وزارت، هڅې کوي چې هېوادوالو ته د معیاري ښارګوټو په اډانه کې د مسکن او مناسبې سرپناه زمینه برابره کړي او هوسا ژوند ولري.
