دایکندي کې د دوه ټولګټو پروژو رغنیزې چارې دوام لري
ښارجوړولو او ځمکو وزارت د دایکندي ولایت د خدیر ولسوالۍ اداري ودانۍ رغنیزې چارې ۳۳ سلنه او د دې ولایت په مرکز کې د ښارجوړولو ریاست ودانۍ رغنیزې چارې ۸۵ سلنه بشپړې کړي دي.
د خدیر ولسوالۍ اداري ودانۍ په ۴۷۹ متر مربع ځمکه کې په درې پوړونو د ۲۱ میلیونه او ۴۰۰ زره افغانیو په ارزښت او د ښارجوړولو ریاست اداري ودانۍ په ۲۱۸ متر مربع ځمکه کې په دوه پوړونو د ۱۲ میلیونه او ۸۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
ښارجوړولو او ځمکو وزارت په هېواد کې د ټولګټو او ملي پروژو تطبیق ته ژمن دی څو وکولای شي له دې لارې د لرې پرتو سیمو خلکو او ښاریانو په ټولنیز ژوند کې لازمې اسانتیاوې رامنځته کړي.
###
