تخار کي د دوه رغنیزو پروژو چارې ۶۰ سلنې واوښتې

ښارجوړولو او ځمکو وزارت د تخار ولایت په مرکز تالقان ښار کې د ساینس مرکز رغنیزې چارې ۶۰ سلنه بشپړې کړي او د روان کال تر پایه پورې به ګټې اخیستنې ته وسپاري.

دا ودانۍ په ۷۰۴ متر مربع ځمکه کې په درې پوړونو د ۲۷ میلیونه او ۳۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.

همداراز دا وزارت په تالقان ښار کې د تخار ولایت د حقوقو پوهنځي ودانۍ رغنیزې چارې ۷۷ سلنه بشپړې کړي او په نیږدې راتلونکې کې به ګټې اخیستنې ته وسپارل شي.

دا ودانۍ په ۱۱۷۰ متر مربع ځمکه کې په درې پوړونو د ۷۵ میلیونه او ۶۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.

ښارجوړولو او ځمکو وزارت د پوهنې او لوړو زده کړو وزارت د پروژو په تطبیق سره، د هېواد په کچه زده کوونکو او محصلینو ته د زده کړې مناسبه فضا برابروي.

###