تخار ولايت کې له ۱۵۰ زره جريبو څخه زياته دولتي ځمکه سروې او ثبت شوه
ښار جوړولو او ځمکو وزارت د دولتي ځمکو د ثبت برنامې له پيل راهيسې تر اوسه په تخار ولايت کې ۱۵۵۲۹۴ جريبه دولتي ځمکه او املاک سروې او ثبت کړي دي.
له دې ډلې څخه په ۱۲۰ قطعو کې ۱۵۲۰۹۳ جريبه سپينه دولتي ځمکه او په ۹۱ قطعو کې ۳۲۰۱ جريبه د دولت تر استفادې لاندې عامه ملکيتونه دي چې د تالقان ښار او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې څه باندې ۴ مېلیونه ۶۰۰ زره جریبه دولتي ځمکې او املاک سروې، نقشه او ثبت کړي دي.
