په لوګر ولایت کې د پښتون اباد څخه تر بابوس درې لارې پورې د سړک د ودانیزو چارو څارنه ترسره شوه
۱۴۴۷/۱۲/۲۳
د لوګر ولایت د کور او ښار جوړولو ریاست د تخنیکي ټیم له لوري د پښتونآباد سیمې څخه تر بابوس درې لارې پورې د سړک د قیر اچونې له روانو چارو څخه څارنه ترسره شوه.
یاد سړک ۳۱.۶ کیلومتره اوږدوالی لري او د ټولګټو وزارت او خصوصي سکټور ترمنځ په دوو بېلابېلو برخو کې قرارداد شوی دی.
د پروژې په لومړۍ برخه کې سړک د میدان وردګو ولایت د سیدآباد ولسوالۍ له تنګي درې څخه د لوګر ولایت تر شولک سیمې پورې غځېدلی او دویمه برخه یې له شولک سیمې څخه د کلنګار او بابوس له لارې تر پلعلم ښار پورې رسېږي.
د څارنې پر مهال د سړک د قیر اچونې، تخنیکي معیارونو د تطبیق او د کار د کیفیت د لوړولو په موخه لازمې سپارښتنې وشوې، څو د پروژې چارې د منظور شوو معیارونو سره سم پر مخ ولاړې شي.
د لوګر ولایت د کور او ښار جوړولو ریاست ټینګار کوي چې د یادې پروژې چارې به په دوامداره توګه تر څارنې لاندې وي، څو د خلکو لپاره د معیاري او خوندي ترانسپورتي شبکې د برابرولو هدف ترلاسه شي.
