پروان کې څه باندې ۲۲۱ زره جریبه دولتي ځمکه ثبت شوه
ښار جوړولو او ځمکو وزارت په هېواد کې د دولتي ځمکو بانک برنامې په دوام، د پروان ولایت اړوندو سېمو په ۲۷۹ قطعو کې، ۲۲۱ زره او ۲۳۲ جریبه دولتي ځمکه او ملکیتونه ثبت کړي دي.
له دې شمېر څخه ۲۰۴۲۱۶ جریبه سپينه دولتي ځمکه او پاتې ۱۷۰۱۶ جریبه د دولتي ادارو تر استفادې لاندې عامه ملکیتونه دي چې د دې ولایت په مرکز او بېلابېلو ولسوالیو کې ثبت شوي دي.
ښار جوړولو او ځمکو وزارت تر دې دمه د هېواد ۳۱ ولایتونو په ۶۹۳۹ قطعو کې، ۶ مېلیونه ۸۱۱ زره او ۴۸۲ جریبه دولتي ځمکه او ملکیتونه د لویو پرمختیایي او اقتصادي پروژو د پلي کېدو په موخه سروې او ثبت کړي دي.
