میدان وردګ ولایت کې ۱۰۲ راستنو شوو مهاجرو کورنیو ته د استوګنې نمرې ووېشل شوې
۲۱/۱۲/۱۴۴۷
د کور او ښار جوړولو وزارت په مشرۍ د دایمي مېشتېدو او د ځمکو د وېش کمېټې، په میدان وردګ ولایت کې پر (۱۰۲) راستنو شوو مهاجرو کورنیو د استوګنې نمرې ووېشلې.
دغه استوګنیزې نمرې راستنو شووو مهاجرو کورنیو ته د قرعې اچولو له لارې ووېشل شوې، چې دغه چاره په بریالیتوب سره ترسره شو.
دا بهیر د دې لپاره تنظیم شوی چې مهاجرین په دایمي توګه مېشت شي او د هغوی لومړنۍ اړتیاوې پوره شي.
دغه پروسه د اړوندو ادارو د استازو په حضور کې په بشپړ شفافیت سره پای ته ورسېده او په راتلونکي کې به هم ورته لړۍ دوام پیدا کړي.
په میدان وردګو او نورو ولایتونو کې راستنو شوو مهاجرینو ته د استوګنې ځمکو د نمرو وېش مخکې هم په بریالیتوب سره ترسره شوی او دا لړۍ به په راتلونکي کې د شرایطو لرونکو مهاجرو کورنیو لپاره دوام ومومي.
