سرپل ولايت کې له ۱۰۰ جريبو څخه زياته ځمکه استرداد شوه
ښار جوړولو او ځمکو وزارت د غصب شويو ځمکو د استرداد په لړ کې دا ځل په سرپل ولايت کې ۱۵۰ جريبه دولتي ځمکه د غاصبينو له منګولو خلاصه کړه.
دا ځمکه د سرپل ولايت د ګوسفندي ولسوالۍ په کاريز نومې قريه کې له څو کلونو راهيسې د زورواکو تر شخصي استفادې لاندې وه، خو اوس د ښار جوړولو او ځمکو وزارت په زيار تر خلاصون وروسته ترې موثرې او معقولې ګټې اخېستلو ته زمينه برابره شوه.
ښار جوړولو او ځمکو وزارت تر اوسه په سرپل ولايت کې په ټوليز ډول ۴۶۶۰ جريبه دولتي ځمکه د غاصبينو له منګولو خلاصه کړې ده.
