د کور او ښار جوړولو وزیر د ننګرهار په خوګیاڼو ولسوالۍ کې د مهاجرینو د ښارګوټي د خط‌ اچونې له چارو لیدنه وکړه

org_admin
چهارشنبه ۱۴۰۵/۲/۱۶ - ۱۰:۵۱
چمتله

۱۴۴۷/۱۱/۱۷

د کور او ښار جوړولو وزارت محترم وزیر الحاج مولوي نجیب‌الله حیات حقاني او د ننګرهار ولايت محترم والي حاجي ملا محمد نعيم اخند چې متخصص او مسلکي ټيمونو يې ملتيا کوله د ننګرهار ولایت د خوګیاڼو ولسوالۍ اړوند د چمتلې په ساحه کې د مهاجرینو لپاره د جوړېدونکي ښارګوټي د خط‌ اچونې له روانو چارو څخه لیدنه وکړه او د یادې پروژې تخنیکي او عملي وضعیت یې له نږدې وارزاوه.

په دې لیدنه کې، د پروژې مسؤلینو د خط‌ اچونې د پرمختګ، تخنیکي معیارونو، د ځمکو د تنظیم څرنګوالي او د پاتې کارونو په اړه تفصیلي معلومات وړاندې کړل.

د کور او ښار جوړولو محترم وزیر د چارو د لا ښه تنظیم، چټکتیا او د معیارونو د مراعت په ټینګار سره اړوندو مسؤلینو ته لازمې لارښوونې وکړې، تر څو یاد ښارګوټی په منظم،  او معیاري  ډول مهاجرینو لپاره چمتو شي.

نوموړي همداراز ټینګار وکړ چې د ښارګوټو په جوړولو کې باید د اساسي خدماتو لکه سړکونو، اوبو رسونې، برېښنا او نورو ښاري اسانتیاوو ته ځانګړې پاملرنه وشي، تر څو راتلونکی استوګنیز چاپېریال د اوسېدونکو اړتیاوو ته ځواب ویونکی وي.

دغه لیدنه د مهاجرینو د اسکان د بهیر د اغېزمنتیا، شفافیت او د معیاري ښار جوړونې د تامین په موخه ترسره شوه

تازه خبرونه

سه‌شنبه ۱۴۰۵/۸/۲۶ - ۱۵:۳۱
Background image

د کونړ ولایت په اسعداباد ښار کې د ښاري سرغړونو د مخنیوي په موخه اقدام وشو

۱۴۴۸/۶/۶

د کونړ ولایت د کور او ښار جوړولو ریاست د ښاري سرغړونو د مخنیوي تخنیکي ټیم له لوري د اسعداباد ښار د ډنډونو سیمې څخه د ښاري سرغړونو د مخنیوي په موخه څارنه ترسره شوه.

د څارنې پر. . .

سه‌شنبه ۱۴۰۵/۸/۲۶ - ۱۵:۱۶
Background image

د کابل ښار په یوولسمه ناحیه کې د ودانیو د تراکم او ځمکې د اشغال کچې تخنیکي څارنه ترسره شوه

1448/6/6

د کور او ښار جوړولو وزارت د کیفیت، کنترول او د ښاري سرغړونو د مخنیوي عمومي ریاست اړوند د ښاري سرغړونو د مخنیوي ریاست  تخنیکي ټیمونو د کاري پلان له مخې، د کابل ښار په یوولسمه. . .

سه‌شنبه ۱۴۰۵/۸/۲۶ - ۱۳:۴۳
Background image

د ارزګان ښار په څلورو ناحیو او د خیرو کاریز په ښاري سیمو کې د ښاري سرغړونو د مخنیوي په موخه څارنه ترسره شوه

۱۴۴۸/۶/۶

د ارزګان ولایت د کور او ښار جوړولو ریاست د ښاري سرغړونو د مخنیوي تخنیکي ټیم له لوري د ښار په لومړۍ، دویمې، درېیمې او څلورمې ناحیو او د خیرو کاریز په ښاري سیمو کې د ساختماني. . .

BACK TO NEWS

ښاغلی مولوي نجیب الله حیات حقاني 

 

۱ کال ago

د خپل خدای، مسلمان ملت او هېواد پر وړاندې ځان مسئول ګڼو اوخپله دنده ګڼو چې د ښاري پراختیا، اقتصادي او ټولنیزې ودې او چاپېریال ساتنې ته کار وکړو.
ژمن یوو او هڅې مو پیل کړي چې د کور او ښار جوړولو وزارت په یو خدماتي او ځواب ویونکي وزارت بدل کړو چې تل به د ابادۍ او ټولګټو پروژو د پلې کولو لپاره کار کوي او دغه برخه کې به روڼتیا، هڅونې او کارموندنې ته زمینه برابره کړو.

د کور او ښار جوړولو وزارت وزیر
د کور او ښار جوړولو وزارت