د پکتیکا د خیرکوټ ولسوالۍ د تفصیلي پلان د تطبیق په اړه ناسته وشوه
۱۴۴۵/۰۹/۱۸
پکتیکا ولایت کې د کور او ښار جوړولو محترم رئیس مولوي محمد طاهر سیف الجهاد وایي، د تخنیکي ټیم په ملتیا یې د دغه ولایت خیرکوټ ولسوالۍ ته سفر وکړ او هلته یې د دغې ولسوالۍ له محترم ښاروال سره د یادې ولسوالۍ د تفصیلي پلان د ښه تطبیق په موخه ناسته وکړه.
ښاغلی مولوي محمد طاهر وایي، په ناسته کې یې د یاد تفصیلي پلان د اصلاح او تطبیق په اړه هر اړخیزې خبرې وکړې او له ځینو مهمو ساحو څخه یې له نږدې لیدنه وکړه.
نوموړی وایي، له لیدنې یې موخه دا وه، تر څو په ډاګه شي چې په یاده ولسوالۍ کې کومې ساحې د پلان مطابق د تطبیق وړ دي او کومې نورې ساحې اسلاح ته اړتیا لري.
د کور او ښار جوړولو وزارت د هېواد په کچه د ټولو ښارونو او ولسوالیو لپاره پلانونه ترتیبوي او د ښه تطبیق په موخه یې اړوندو ښاروالو او خصوصي سکتور ته سپاري، چې د پلان له تطبیق بیا څارنه هم کوي.
