د کابل–بګرام سړک د ودانیزو چارو څارنه ترسره شوه
۱۴۴۷/۱۲/۲۲
د نوي کابل ښار د عمومي ریاست د لارښوونې پر بنسټ، تخنیکي ټیمونو د کابل–بګرام سړک د ودانیزې پروژې له روانو چارو څخه څارنه ترسره کړه.
د څارنې پر مهال د سړک په بېلابېلو برخو کې د بنسټیزو ساختماني فعالیتونو، د ځمکې هوارولو، د سړک د طبقاتو د جوړولو، د پلچکونو د رغنیزو چارو او نورو تخنیکي فعالیتونو بهیر وارزول شو.
همدارنګه د پروژې د تطبیق پر مهال د ځینو تخنیکي موضوعاتو او ننګونو په اړه د اړوندو تخنیکي ټیمونو ترمنځ بحث او د حل لارو په اړه لازمې ارزونې ترسره شوې، څو د چارو د کیفیت او چټکتیا لپاره مناسب اقدامات ونیول شي.
د نوي کابل ښار عمومي ریاست ټینګار کړی چې د کابل–بګرام سړک د پروژې چارې به د منظور شوو تخنیکي معیارونو، انجنیرۍ اصولو او ټاکل شوي مهال وېش له مخې پر مخ وړل کېږي او د کارونو د کیفیت د تأمین په موخه به د څارنې بهیر دوام ولري.
