د قطر استوګنیز ښارګوټي له پروژې څخه تخنیکي څارنه ترسره شوه
۱۴۴۸/۱/۲۶
د کور او ښار جوړولو وزارت د کیفیت کنټرول او د ښاري سرغړونو د مخنیوي لوی ریاست اړوند، د لابراتوار ریاست رئیس او تخنیکي ټیم د دوامدارو تخنیکي څارنو په لړ کې د قطر استوګنیز ښارګوټي له روانو ودانیزو چارو څخه ساحوي څارنه ترسره کړه.
د څارنې په ترڅ کې د پروژې د خاورې د کیفیت ارزونې لپاره د رېنو لابراتوار څخه هم لیدنه وشوه او د پروژې اړوند تخنیکي ازموینې وارزول شوې، ترڅو د ساختماني چارو کیفیت د منظور شویو تخنیکي مشخصاتو او معیارونو له مخې ډاډمن شي.
د څارنې په پای کې، د لابراتوار ریاست د تخنیکي ټیم له لوري قراردادي شرکت ته لازمې تخنیکي سپارښتنې وشوې، څو د پروژې ټولې چارې د قرارداد، تخنیکي مشخصاتو، ملي معیارونو او ساختماني اصولو سره سم، په لوړ کیفیت او ټاکلي مهالوېش ترسره شي.
د کور او ښار جوړولو وزارت د ودانیزو پروژو د کیفیت د لوړولو او د تخنیکي معیارونو د دقیق تطبیق په موخه د ورته پروژو له بهیر څخه خپلو تخنیکي څارنو ته دوام ورکوي.
