بیش از 100 هزار جریب زمین دولتی در پروان سروی گردید
وزارت شهرسازی و اراضی در ادامه روند تطبیق برنامه بانک زمین دولتی در کشور؛ 129825 جریب زمین دولتی و ملکیت های تحت استفاده دولت را در مربوطات ولایت پروان سروی و ثبت نموده است.
این رقم شامل سروی 119819 جریب زمین سفید دولتی در 84 قطعه و 10006 جریب املاک دولتی در 158 قطعه در مرکز و ولسوالی های مختلف این ولایت می باشد.
وزارت شهرسازی و اراضی تا کنون 4 میلیون و 489 هزار و 262 جریب زمین و املاک دولتی را در 5109 قطعه در ۲۸ ولایت کشور؛ سروی، نقشه برداری و ثبت نموده است.
