رفع مشکلات شهروندان یکی از اهداف وزارت شهرسازی و اراضی میباشد
26/02/1444
محترم مولوی حمدالله نعمانی سرپرست وزارت شهرسازی و اراضی، در ادامه ملاقاتهای روزانهشان، با شماری شهروندان از ولایتهای مختلف به منظور رفع مشکلات آنها، دیدار کرد.
این شهروندان، در مورد چگونگی وضعیت شهری مناطق شان صحبت کرده، درخواستها و مشکلات شان را با سرپرست وزارت شهرسازی و اراضی، در میان گذاشته و در زمینه خواهان همکاری شدند.
محترم مولوی حمدالله نعمانی سرپرست وزارت شهرسازی و اراضی، گفت که رفع مشکلات شهروندان یکی از اهداف عمده این وزارت میباشد. وی به شعبات ذیربط دستور داد تا به درخواستهای این شهروندان به صورت اصولی رسیدگی به موقع صورت گیرد.
